AZSERTUS

1. TƏRƏFSİZLİK, DÜRÜSTLÜK VƏ ƏDALƏT - "AZSERTUS" MMC bütün maraqlı tərəflərə dürüst, qərəzsiz və tərəfsiz yanaşma nümayiş etdirir, hər kəsə bərabər münasibət göstərir və hər cür ayrı-seçkilikdən uzaq durmağı əsas prinsiplərindən biri kimi qəbul edir.

2. ŞƏFFAFLIQ VƏ HESABATLILIQ - Qurum fəaliyyətləri haqqında ictimaiyyəti mütəmadi olaraq məlumatlandırmalı, ictimai nəzarətə və qiymətləndirməyə hər zaman açıq və hazır olmalıdır.

3. ETİBARLILIQ - "AZSERTUS" MMC sənaye sahəsi başda olmaqla bütün maraqlı tərəflərin etibarını qazanmağı və qarşılıqlı inam çərçivəsində xidmət göstərməyi prioritet hesab edir.

4. GİZLİLİK - "AZSERTUS" MMC müştəri məlumatlarının və aparılan tədqiqatların nəticələrinin gizliliyini qorumaqla bağlı öhdəliklərini yerinə yetirməyi vacib hesab edir.

5. ƏMƏKDAŞLIĞA AÇIQLIQ - "AZSERTUS" MMC fəaliyyət göstərdiyi sahələrdə ölkənin ehtiyac duyduğu xidmətləri təqdim etmək üçün istənilən əməkdaşlığa açıqdır və strateji qurumlarla əməkdaşlıq edir.

6. MÜŞTƏRİYƏ QARŞI DİQQƏTLİ OLMAQ - "AZSERTUS" MMC müştərilərdən daxil olan təklif və şikayətlərə, fərqli fikir və baxışlara dəyər verir və bu rəyləri xidmət keyfiyyətinin artırılması üçün mühüm hesab edir.

7. DƏYİŞİKLİKLƏRƏ VƏ YENİLİKLƏRƏ AÇIQLIQ - "AZSERTUS" MMC fəaliyyət göstərdiyi və göstərməyi planlaşdırdığı sahələrdə davamlı inkişafı təmin etmək üçün yenilikləri izləyir və lazımi dəyişiklikləri həyata keçirir.

8. MƏSULİYYƏT - "AZSERTUS" MMC, cəmiyyətin maraqlarını nəzərə alaraq sosial məsuliyyətini dərk edir və fəaliyyətini bu prinsiplər əsasında həyata keçirir.

MƏQSƏDLƏRİMİZ

- "AZSERTUS" MMC-nin institusional potensialının gücləndirilməsi;

- Fəaliyyət göstərdiyi sahələrin ölkənin rəqabət qabiliyyəti və rifah səviyyəsinə təsiri barədə işgüzar dairələrin, dövlət hakimiyyəti orqanlarının və cəmiyyətin məlumatlılığını artırmaq;

- Ölkəmizin inkişafını təmin etmək üçün milli sertifikatlaşdırma və inspeksiya sisteminin təkmilləşdirilməsi;

- Azərbaycanın beynəlxalq qurumlarda iştirakının aktivləşdirilməsi və beynəlxalq standartlara uyğunluğun təmin edilməsi.